India Prime Minister ni tura ruat (Prime Minister designate) Pu Narendra Modi chuan ni 26.5.2014 tlai dar 6:00 P.M. a Rashtrapati Bhavan, New Delhi a Prime Minister ni tura lakluh inkhawma tel ngei turin Chief Minister Pu Lal Thanhawla chu a rawn sawm. Pu Narendra Modi hian Pu Lal Thanhawla duhsakna leh tawiawmna a ngen nghal a ni.

Chief Minister Pu Lal Thanhawla hian Pu Narendra Modi chu India Prime Minister atana ruat a ni chu a lawmpui thu hrilhin, amah lakluh inkhawma tel tura a sawmna chu lawm taka pawmin a tel ngei tur thu a hrilh nghal a ni.

Chief Minister Pu Lal Thanhawla hian vawiin khan Aizawl chhuahsanin New Delhi a pan nghal a ni.