Vawiin ni 8 March 2017 International Womens’ Day denchhen hian hmeichhiate chawikanna kawnga thawhhlawk bik thlan chhuah engemawzat hnenah Ministry of Women and Child Development, New Delhi chuan Nari Shakti Awards chawimawina a buatsaih chu Rashtrapati Bhawan ah President Pranab Mukherjee chuan vawiin chhun khan a hlan. He Award dawngru zingah hian Mizoram mi pakhat a tel thu Ministry of WCD hian a tarlang.

Ministry of WCD hian Mizoram atanga dawngtu hi MHIP thlan anih thu tarlangin, MHIP chu a din tirh kum 1974 atanga Mizo hmeichiate khawtlanga an dinhmun chawikan anih theihna tura nasa taka hma latu, hemi lampang pawimawhna auchhuahpuia Mizo hmeichhiate tibengvartu a ni tiin, training programme tam tak kalpuitu a ni a ti.

Nani Shakti Puraskar hi kum 1999 ah din niin, kumtin chawimawina hi mimal leh institution hnenah hlan thin a ni.