Nihnih chama Mizoram a lo kal Dr. Shyam S. Agarwal IAS, Secretary, National Commission for Scheduled Tribes chuan vawiin 27th November, 2015 hian Secretariat Conference Hall-ah Mizoram sorkar-a Department hrang hrang hotute meeting a neihpui a. He meeting hi Pu Lalthangpuia Sailo IAS, Secretary, Social Welfare Department in a kaihruai a ni.

He meeting ah hian Dr. Shyam S. Agarwal IAS, Secretary, National Commission for Scheduled Tribes chuan Central Sorkar in Scheduled Tribes te tana hamthatna chi hrang hrang a duante tarlangin Right to Education behchhana School Education Department leh Social Welfare Welfare Department tangkawpin chhungkaw rethei, BPL Family a naupang lehkhathiam bikte tana Private School tha a an kal theih nan School Fee Central Sorkar ah a ngaihtuahpui theih dan te a tarlang a. Mizoram Scholarship Board in kum 2014 - 2015 chhung atana Tribal Scholarship Central Sorkar atanga an la dawn loh pawh lo enzui pui a tum thu a sawi bawk. Heng bakah hian Agriculture, Horticulture, Rural Development, Health Department, AH & Vety leh Fisheries Department te hmalakna thlir hovin Central Sorkar puihna a hma thar lakna awmte sawiho a ni bawk.

National Commission for Scheduled Tribes Secretary chuan Zoram mipuiten hmasawnna kan neih theih nana a mawhphurtu Department hrang hrang ten kan ngaihtuahna kan sen a tul thu sawiin hma la tan turin kalkhawmte a chah a ni.

He meeting ah hian Department hrang hrang hotu mi thahnem tak an tel a ni.