Sorkar laipui Mininstry of Home Affairs hnuaia National Foundation for Communal Harmony (NFCH) chuan kumtin rampum huapa chi leh chi inunauna ti ngelnghet leh helama thawk tha pawl ho emaw mimal emaw hnenah National Communal Harmony Award a hlan thin a. Rampum huapa inpumkhatna tha leh chi leh chi inkara inunauna boruak chhawm nung tura hetiang a buatsaih thin hi State leh Union Territory zawng zawngte chuan ngaihven se a duh a. Anmahni huamchhung theuha hetiang lam kawnga hnathawk tha pawl ho emaw mimal emaw thlang chhuaka lawmman dawng tura rawt turin a duh a ni.

Ministry of Home Affairs chuan hemi chungchang hi Chief Secretary Mizoram hnenah ziaka rawn thawnin lawmman buatsaih anih dan te, a dil dan tur leh a kalphung kimchang tak a rawn hriattir a ni. Bengvar duh leh hetiang lawmman ngaihven duhte chuan Mizoram sorkar Under Secretary, Home Department ah in hriattir tur a ni a, June 13, 2014 ral hma ngeia Home Ministry thleng hman tura dilna thehluh theih a ni.