National Council of YMCAs of India meeting sang ber Officers’ Meeting chu Aizawl YMCA in 1 - 4 February, 2013 chhung khan a thleng a. He meeting-ah hianNational Council of India President Roland Williams bakah Sr. Vice President, Vice President, Gen. Secretary leh Officer pawimawh dang mi 25 vel an rawn tel a. National YMCA hmalakna hrang hrang thlirhovin, project awmsa bakah hmalakna tur an thlir ho bawk. Officers’ meeting rual hian North East Regional Meeting bakah Gender Resources Group Meeting neih nghal a ni bawk.

Meeting hi 1st February ah tan niin committee peng hrang hrang neih anih bakah a thlengtu Aizawl YMCA ten cultural show te, prise & worship hunte an hmangpui bawk a. Pathianni February 3 zan khan Aizawl Temple Corp inkhawmah telin National President Roland Williamsa’n Pathian thu a sawi a. National Officers’ Meeting a lokal te hian Mizoram Governor Pu Vakkom Purushothaman leh Chief Minister Pu Lal Thanhawla te pawh hmuin hun tha tak an hmang ho a, an cham chhunga dawnsawn an nih danah lawmthu an sawi nasa hle.

Officers’ meeting thurel zingah hian Indian Students’ Hostel London kal zel dan tur te, youth exchange agent ruat chungchangte leh Gender Concern Task Force leh exchange agent ruat chungchangte pawh a tel bawk.