Aizawl DC chuan thuchhuah siamin Election Commission of India-in Election Expenditure Monitoring a kaihhruaina a tihchhuah angin Chalfilh constituency atanga Mizoram Legislative Assembly bye-election lo awm tura Candidate ten vantlang inkhawm (Public Meeting) punkhawm/ kawngzawh (Rally) an huaihawt dawn te, aurinna an hman dawnin leh motor an hman dawnin phalna an lak hmasak ngei a ngai a. Chalfilh Constituency, Saitual Sub-Division huam chhungah Saitual SDO (C) Pi Lalsangpuii Hmar hnenah phalna lak tur a ni a; Chalfilh Constituency chhung Sakawrdai Sub-Division huam chhungah Sakawrdai SDO (C) Pu R Lalnghakliana hnenah phalna lak tur a ni a; SDO (S) Aizawl, Pu Rothuama hnenah Chalfilh chhung leh pawna motor hman phalna, Chalfilh Constituency pawn Aizawl District huam chhunga kawngzawh/vantlang inkhawm/ loud speaker hman/ pandal siam phalna te lak tur a ni ang. Heng officer te hnena dilna thehlut tu te chuan Annexure 16- Details of Expenditure on Public Meetings/ Rallies, motor leh sound, pandal siamna etc (copy enclosed) kim taka dah khahin an thil tel ngei tur a ni.

SDM te hian zan dar 10:00 atanga zing dar 6:00-ah erawh chuan Supreme Court rorel awm tawh sa angin phalna an pe thei lovang. Phalna la lawk lo tan vantlang inkhawm/ kawngzawh/ punkhawm phal a ni lo.