Vawiin khan Kolasib SDO(Sadar) Pu V.Laldinsanga kaihhruaina hnuaiah Kolasib a National De-Worming Day hman dan tur rel a ni.

NDD hi India Ram pumah kum khatah vawi hnih hman thin a ni a, kolasib ah pawh hian February khan hman alo ni tawh a, tun hi a tum hnih na a tan August ni 8 a hman tur a ni. NDD hman hun hawnna tur a tan hian Kolasib High Sikul, Project Veng chu ruahman ani a, Rulhut damdawi (Albendazole tablet) hi Kum 1 atanga kum 19 inkar te hnenah pek tur niin kum 2 hnuai lam tan mum chanve pek tur ani a, thial sawm tur ani. Hemi ni vek hian (August ni 8 a remchanglo tan August ni 16 ah hun ruahman leh tho a ni) Kolasib District a hmun hrang hrangah rulhut damdawi pekna hun hman tur ani a, damdawi hi PHC tin ah a awm vek tawh a, sikul leh anganwadi worker te chuan sub centre hnai ber atanga la in zirlai naupang te hnenah hian an pe dawn ani. Zirlai naupang nilo kum 1-19 inkar tan hian ASHA worker ten an pe ve thung dawn a ni.

Heng damdawi pek chhuah te report kimchang hi August ni 31 ral hma in CMO emaw District Immunization Officer hnenah thehluh tur ani a, rulhut damdawi ngeilohna emaw damdawi ei avanga harsatna tawk an awm hlauh chuan District level Adverse events following Immunization (AEFI) Committee Member te hnenah a thlen theih a ni.