Naupang rulhut pai avanga harsatna an tawh loh nan “ National Deworming Day” chu tukin zing khan Mamit Govt High School ah Pi Lalbiaksangi, Mamit Bawrhsap hova hman a ni.

Pi Lalbiaksangi chuan Sorkar laipuiin naupangte hriselna a ngaih pawimawh em avangin hmalakna hrang hrang a neih thu sawiin, rulhut vanga naupang ten harsatna an tawh loh nan National Deworming Day pawh hi duan a nih thu a sawi a. Fai hi hriselna a ni tih hria a, invawng fai tur leh mahni hriselna ngaipawimawh turin naupangte a chah a ni.

He ni hmanna hi Dr Hmingthanmawii, CMO Mamit chuan a kaihruaiin, Dr Lalrinthangi, SMO chuan rulhut pai anih dan leh he ni puala hun hman dan tur duan hrang hrangte kalkhawm te a hriattir a ni.

Tukin hun hmanna ah hian Pi Lalbiaksangi chuan School naupang te hnenah hian Albendazole mum hi a sem a, a hmunah a rualin ei nghal a ni.He ni pual hian District pumah naupang kum 19 chin hnuailam 20766 hnenah a thlawnin Albendazole sem a ni dawn a ni.