No.6504/2020-2021
Aizawl, the 11th November 2020 : Vawiin khan Pu L. Thangmawia, MLA leh Vice Chairman, Human Resources Development Board kaihhruaina hnuaiah Group of Experts on National Education Policy, 2020 chu Mizoram Legislative Assembly Secretariat Conference Hall-ah a vawikhat nan an thukhawm.
Meeting ah hian Group of Experts te chuan National Education Policy, 2020 Mizorama lo hman ve theih dan turte leh ram tana him lo laite a awm em tih te an sawiho a. Mizoram sawrkarin zirna kalpui a tum dante leh policy neih mekte nen a inmil em tihte en hoin ram tana tha ber tura zirna kalpui a nih theih nana NEP 2020 hi her rem dan turte an sawiho a ni.
