Electoral Roll felfai neih a nih theih nan Election Commission of India in programme a duan National Electoral Roll Purification Drive (NERPD) kalpui mek atan Aizawl Municipal Area huam chhunga Booth Level Officer -te hmalak dan tur inhrilh hriatna (Training) vawiin ni 27.05.2016 (Friday) dar 11:00 AM, khan Vanapa Hall-ah neih a ni.

He Training hi Pu Kannan Gopinathan, IAS, Deputy Commissioner/District Election Officer, Aizawl-in hmanpuiin Booth Level Officer-te hna kalphung tlangpui a sawi a, kan ram democracy hlawhtlin nana hmalatute zing ami an nih thu a sawi bawk. Training a lokal khawmte chungah lawmthu sawiin, rilru leh tihtak zetin hna hi thawk hram hram turin a ngen bawk. An hna kalmek atana tangkai thei anih chuan Administration lam atangin tanpui pawh a inhuam thu a sawi bawk.

Official kalkhawmte hi Pu H. Lalhmingthanga, Election Officer, Aizawl, State Level Master Trainer ni bawkin a zirtir a, an hna thawh dan tur tlangpui te hrilhfiahna a nei a ni. Booth Level Officer-te an tel tha hle.