166/2026-2027

Dated Serchhip, 16th April 2026: Vawiin khan Serchhip District Bawrhsap Pu Paul L. Khuma kaihhruaina hnuaiah National Family Benefit Scheme (NFBS) hnuaia tanpuina dawng tur thlangin thutkhawm, DC Meeting Hall-ah neih a ni.

He thutkhawmah hian National Family Benefit Scheme hnuaia dilna thehluttu chhungkaw 26 zing atangin, chhungkaw 10 thlan chhuah an ni. Member-te chuan diltu hrang hrangte dinhmun uluk taka an thlir ho hnuah he thutlukna hi an siam a ni.

Meeting-ah hian Project Director Dr. Malsawmtluanga Fanchun; SDO (Sadar) Pi Rebecca Laldinmawii Hrahsel; SDC Pu Vanthangpuia leh District Social Welfare Office aiawhte bakah NGO, Sub-Headquarters YΜΑ, Mizoram Upa Pawl (MUP) leh MHIP hruaitute an tel bawk.

National Family Benefit Scheme hi chhungkua, eizawngtu berin a boralsante chhawmdawlna atana duan a ni a. Chhungkaw pakhatah 20,000/- (singhnih) vawikhat tanpuina (one-time grant) pek an ni thin. He tanpuina dawng theite hi Below Poverty Line (BPL) chhungkua an nih a ngai a, eizawngtu boraltate chu kum 18 atanga 60 inkar an nih a ngai a ni.