Nimin chawhnu dar 3:30 khan Pu Lalsawta, Education Minister kaihhruaina hnuaiah State Working Committee on National Foundation of Teacher’s Welfare Committee meeting a office chamber-ah neih a ni.

1.    Meeting chuan Deputy Commissioner kaihhruaina hnuaiah leh Sub-Divisional Officer (C) kaihhruaina hnuaiah District Level Committee leh Sub-Divisional Officer (C) Level Committee siam a ni.

2.    Sum tuak dan chungchang sawiin Token/Car Flags buatsaih leh remtih a ni a, Car flag chu hralh a token flag erawh a thlawna sem nise, kuminah chuan rawmal (hanky) leh ball-pen,  Teacher’s Day kum 50 na tih chhuin mi tlawmngaite lei tura buatsaih nise tih a rel a ni. Hemi lo buaipui tur hian Joint Director of School Education kaihhruaina hnuaiah Sub-Committee din a ni a; member te chu zirtirtu Association pali te President theuh bakah Director, I & PR leh Controller, P & S te an ni. Heng Sub-Committee te hian thil tul leh pawimawhte chu a rang thei ang berin lo ngaihtuah nghal se tih a ni bawk.

3.    Mizoram hmun hrang hrang atanga sum hmuh chu District tin Deputy Commissioner te kaltlangin Joint Director of School Education Account hawnah September thla chhungin dah luh theuh nise tih a ni.

4.    Zirtirtu damlo refer case damdawi ina enkawlte tanpuina ti sangin state pawna in enkawl te Rs. 7000/- leh state chhunga in enkawlte Rs. 5000/- ni thawh se tih rel a ni bawk.

5.    Teacher’s Day hman dan thuah erawh chuan District leh Sub-Division tinah thu neitu ten anmahni remchan dan anga an rel zulzuiin hman ni mai se tih a ni.

6.    Education Minister in Teacher’s Day denchhenin thuchah AIR, Doordarshan, Local Cable TV etc. kaltlangin puanzar nise tih a ni.

Meeting ah hian Education Minister hi Pu Chawngtinthanga, Parliamentary Secretary in a tawiawm bakah state leh district aiawh committee member-te an kal kim hle a ni.