No.3786/2021-2022
Dated Aizawl the 24th January, 2022: Vawiin National Girl Child Day, 2022 pual hian Beti Bachao Beti Padhao (BBBP) Serchhip hmalaknain Mahila Shakti Kendra (MSK), Serchhip District-a thawktuten Serchhip District Hospital a hmeichhe naupiang tharte hnenah thilpek an hlan.

Pi V. Lalruatsangi, Women Welfare Officer chuan, National Girl Child day chu BBBP Serchhip chuan hmeichhe naupangte venhim leh zirtirna tha pek a tulzia inhrilhhriat nan an hman thin tih a sawi a. Kuminah erawh chuan pungkhawm zawnga hun hmante a rem chiah loh avangin Serchhip Hospital-a tun hnaia fanu thar lo piangte enna an nei ta zawk tih a tarlang a. District chhunga hmeichhe naupang zawng zawngte he niah hian chibai an bukin duhsakna an hlan tih a tarlang bawk.

Vawiin hian Serchhip District hospital a hmeichhe naupiang thar mi pali hnenah thilpek, Pawisa Rs. 2000/-, Certificate, BBBP T-Shirt leh naute mawza bun khat theuh an pe a ni.

He hunah hian V.L Remruatpuii District Co-ordinator, Sarah Lalbiakliani District Co-ordinator, MSK Serchhip leh Medical Superintendent Dr. Z.D Lalmuanawma ten thilpek hi an hlan a ni.