3925/2024-2025

Dated: Mamit the 23rd of January, 2025 : District Hub for Empowerment of Women, Women & Child Development leh Education Department, Mamit District-te chuan Hmeichhe Naupangte ni (National Girl Child Day) pualin High School hmeichhe naupangte tan ni khat awh volleyball inelna an buatsaih.

He inelna hi Pu H Lalrosanga, Deputy DPC, Education Department, Mamit District-in a khuhhawnna neiin Hmeichhiate chu School luhna chungchangah hmeichhia an nih vanga harsatna an nei a nih chuan Education Department hnenah thlen thin tur a ni tih a sawi a, Zirlai hmeichhiate chu social media kal tlanga awlsam taka an hmingchhiat theih avangin social media hmang fimkhura an nun uluk turin a chah bawk a ni.

He inelna hi hmeichhiate infiamna kawnga hma an sawn zelna tura buatsaih niin, kawngzawhna leh aurualna neih nghal bawk. Inelna ah hian pakhatna Govt Mamit HS-II, pahnihna New Mamit High School, pathumna Presbyterian English School, palina Govt. Mamit High School te an ni.  Lalrindiki, Govt. Mamit High School-II-in Player tha ber lawmman a dawng bawk.

Vawiin Inelna a tel High School-te hian pawisafai, No mawi, Infiamna hmanrua leh lawmpuina thuziakte an dawng a ni.