3851/2024-2025

Saitual, the 17th January, 2025: Tukin dar 6:30 am khan District Hub for Empowerment of Women, Saitual District buatsaih National Girl Child Day January ni 24 a hman tur hawnna pualin Saitual district chhunga hmeichhe naupangte chuan intlansiakna leh thu thiamna hun an hmang a, Pi Christina Lalnunfeli, SDC chu khuallian niin hun a hmanpui.  

He hunah hian Pi Christina Lalnunfeli chuan intlansiak leh thutiamna nei tura kalkhawmte hnenah lawmthu a sawi a, "National Girl Child day" chu India rama hmeichhe naupang ten dikna chanvo an lo neih theih nana hmalakna pawimawh tak a ni, a ti. Khuallian chuan hmeichhe chunga hleilenna umbo kawnga hma la turin Sawrkar laipui chuan Ministry of Women and Child Development a din a ni, a ti a, hmeichhiate hmasawn nan hma lak zel a ni tih a sawi bawk. Hmeichhe naupang kalkhawmte chu zirna kawngah theih tawp chhuah zel turin khuallian chuan a fuih a, hmeichhiate tan intodelh a pawimawh tih sawiin lehkha zir tui lo te tan pawha thiam thil dang eizawnna atana hman theih tur dap turin a fuih nghal a ni.   

Hmeichhe naupang kalkhawmte chu nu in nau a pai laia mipa nge hmeichhia tih enlawk chu dan kalh a nih avangin ti lo turin an intiam a, hmeichhe fa an nih avanga en hran leh thliar hranna nei lo tur leh hmeichhe naupangte chuan him tak leh thlamuang taka khawvel an hman theihna tur leh, zirna leh thiamna changtlung an neih zel theihna tura theih tawp chhuah turin an intiam bawk a ni. He thu intiamna hi Pi Mary Malsawmkimi, District Mission Coordinator (DHEW) chuan a kai hruai a ni.  

Kumin National Girl Child Day January ni 24, 2025 a hman tur denchhen hian hmeichhe naupang ten hmalam hun eng tak an neih theih nan leh dinhmun tha zawk an neih theih nan programe hrang hrang siam a ni a, chungte chu :

1. Opening function- Pledge Taking & Marathon Race hmeichhe naupang kum 12 -18 te tan. 

2. ⁠Walk for the Girl Child – District & Block level 

3. Social Media Campaign 

4. ⁠Celebration of New Born Child at District Hospital 

5. ⁠Public Speaking Competition (Phullen Block) 

6. Short Video/ Reel Making competition 

7. Felicitation of Girl Child Achiever within the district 

8. Tree Plantation  

9. ⁠Closing function