3852/2024-2025

Dated Hnahthial, the 17th January, 2025:  General Election to Village Council 2025-a Returning Officer (RO) te pual in nimin tlai khan DC Conference Hall, Hnahthialah Training neih a ni a. Training hi District Election Officer, Pi Rita Lalnunmawii Pachuau, District Bawrhsap ni bawk chuan a hawng a ni.

Training hawngtu District Bawhrsap leh District Election Officer ni bawk Pi Rita Lalnunmawii Pachuau chuan Election apiang hian thil thar a awm thin a ni tiin heng thil thar hre tura kan in buatsaih zel hi a tul a ni a ti a. MLA inthlan (election) leh Village Council (VC) inthlan hi a danglam em em loh rulain danglamna awm erawh kan hriat chian a tul a ni a ti a. Ruihtheihthil leh thil dangte hian election duty te mai bakah mipui te min tibuai thin a nii tiin hetiang lakah hian Returning Officer te chu fihlim turin a chah a. Vote thlaktute pawh hetiang laka an fihlim theihna atan theih tawp kan chhuah a pawimawh hle dawn a ni a ti bawk. Hnahthial District chhunga Village Council (VC) inthlanna felfai tak leh thianghlim tak a thlen theihna tura pawimawh ber pakhat chu Returning Officer te chu a ni tih hre reng turin a chah a, Political Party te pawh an ven theih thu sawiin Hnahthial District chhunga Village Council inthlanna felfai leh thianghlim tak a awm theihna tura theih tawp chhuah turin a ngen bawk a ni. 

He hunah hian Pu Zothanmawia Khiangte, Addl. DC chuan Village Council inthlanna a thil thar awm turte a sawi a. Pi Esther Leihang, Election Officer leh SDO Sadar chuan Returning Officer te chu Village Council inthlan chungchanga an mawhphurhna leh tihtur hrang hrangte power point presentation hmangin zirtirna a neihpui a ni.