Vawiin chawhnu khan National Girl Child Day puala State Resource Centre for Women (SRCW), Women & Child Development leh Mizo Photographer Society (MPS) tangkawp buatsaih Photography Competition buatsaih lawmna semna hun chu Synod Conference Centre ah hman a ni a. Competition thupui hi 'Hmeichhe naupang humhim la, zirtirna tha pe rawh' tih a ni.  

National Girl Child Day hi kumtin 24^th January ah hman thin a ni a, Ministry of Women & Child in a duan lawk angin, kumin ah pawh January 21 - 26, 2021 inkar chhung khan kawng hrang hrangin hman a ni. Ni 4 chhung Webinar neih thin a ni a, chutah chuan hmeichhe naupangte humhimna leh hmasawnna tur lam kawng hawiin mithiamte'n zirtirna an pe a, he hun hi State leh District lam atanga lo chhim ve thin a ni. Hmeichhe naupang pualin THING PHUN a ni bawk a, Video Clip te buatsaihin Local Cable TV ah te pek chhuah an ni bawk a ni. Kum dang ang bawkin January 24 khan Civil Hospital, Aizawl a naupiang hmeichhiate hnenah Lawmpuina Certificate leh Pawisa fai Rs 2000/- pek an ni a, kumin hian mi 5 hnenah pek a ni.

National Girl Child Day puala  Competition-ah hian mi 250 vel-in an thlalak - nalh leh zirtir nei tha tak tak te an rawn thehlut a. A hnuaia tarlan ang hian lawman semchhuah a ni -

Pakhatna - Richard Zothankima Hrahsel, Chhinga Veng niin Lawmman pawisa fai Rs 10,000/- bakah Certificate a dawng tel a, a thlalak thupui chu "Naupang chu a kalna awm kawngah chuan zirtir ula, a upat hun pawhin a thlah lovang" tih a ni.

Pahnihna - K. Lalpekhlu-a Dinthar Veng, Serchhip niin pawisa fai Rs 8000/- leh Certificate a dawng a, ani hian a thlalak thupui atan "Zirthiamna hi Finna petu a ni" tih a hmang a,

Pathumna - F. Lalhmingchhuanga, Chanmari, thlalak thupui "Tumruhna leh Huaisenna" leh Zothankhuma, Kulikawn, thlalak thupui "Fortified' niin pawisa fai Rs 5000/- leh Certificate an dawng tel a ni.

Consolation Prize hi mi sawm (10) hnenah Rs 10001- leh Certificate hian theuh a ni bawk a. Consolation Prize dawngtu te chu -

       i)                C. Lalrinawma, Lawngtlai

ii)          K.Vanlalmuana,Ramhlun Vengthar
iii}        Laldinngheta, Zonuam

iv)           LaJnunttuanga, Zonuam

v)            Lalremruata Khiangte, Mission Veng

vi)           Mikael Lalremruata, Darlak

vii)          Richard Zothankima Hrahsel, Chhinga Veng

viii)         RL Hriatkima, Chawlhhmun

ix)           RL Hriatkima, Chawlhhmun

x)            Saipari Sailo, Chhinga Veng

Lawmman sem inkhawm hi Pi Vanlalhriatpuii Renthtei, State Coordinator, SRCW in a kaihruai a. He hunah hian  Pi Lallianpuii, Director, Women & Child Development leh Pu HT Hnamtinkhuma, Gen. Secy MPS ten thu sawina hun an hmang a ni.

Attachment

• Loading attachment...