Vawiin khan Public Works Department hnuaia National Highway 54 endik hna kalpui chhunzawm a ni a, Hunthar veng leh Sairang inkar kawng endik  niin kawng dipdalna hmun 142 ah chhinchhiah a ni.

Hunthar veng leh Sairang inkar kawngpui tichep zualtu chhinchhiah zinga tam ber chu black topping hrul a tuizem leh barrel hun vang a ni a,  Workshop siam ten motor kawngpui a an dah vang te, In sakna bungraw kawng hnaih a dah khawl te leh kawngpui hnaih lutuk a in awm te chuan National Highway 54 hi hmun engemawzat ah a tihchep phah hle bawk a ni.

NH 54 endik hna hi PWD Highway Circle-I leh Circle-II, DC Aizawl, I&PR, SP Traffic Aizawl, SP Aizawl leh PWD Road Protection squad ten an kalpui a, Hunthar Veng, Rangvamual, Phunchawng leh Sairang Local council ten an tawiawm bawk a ni.