Serchhip District Collector, Land Revenue and Settlement Dr. Lalrozama, IAS chuan National Highway 54 kawngpui (Aizawl to Tuipang) Japan International Co-operation Agency (JICA) tanpuinaa laih zauh leh thawm that tur chungchanga Serchhip District mipuite hriattur hetiang hian a tichhuak.
He Project in a nghawng te tuam hlawm dan tur leh chhawmdawl zelna (Rehabilitation and Resettlement) chungchang buaipui turin Additional Deputy Commissioner, Serchhip District chu Administrator tura ruat a ni a, he hriattirna hi Section – 11(1) of the Mizoram (Land Acquisition, Rehabilitation & Resettlement) Act, 2016 hmanga a hre turten an lo hriat nan chhuah a ni.
Chuvangin Serchhip District chhunga kawngpui (NH54) zauhna leh siamthat tur atana ram lak tur (Acquire area) huam chhunga in hmun, huan/lo ram, etc., nei zawng zawng chuan Preliminary Notification chhuah ni (Notification Number K.12011/61/2015-REV/Pt) Dated 19.12.2016 atanga ni sawm ruk (60) chhungin u/s of the Mizoram (Land Acquisition, Rehabilitation and Resettlement) Acts, 2016 tlawhchhanin Deputy Commissioner, Serchhip-ah a hnuaia tarlan thilah te hian sawiselna emaw rawtna (Objections) thehluh theih a ni e.
Pakhatna, ram zau zawng leh hman tangkai dan tura ruahman dan ah. Pahnihna, kawng zauh hi mipui vantlang thatna tur ni zawka ngaih a nih chungchangah leh Pathumna, Social Impact Assessment Report SIRD & Panchayati Raj ten an siam tawh chungchangah te.
Hengte bakah hian kawng laih zauhvin a khawih tel tur ram neitute hriattur thu pawimawh; Ni 10 atanga 31, January 2017 chhung hian Khumtung District ramri atanga Bungtlang District ramri inkar hi Survey Team pathum ten Survey and Verification an nei dawn a, he mi chhung hian ram, in, huan, lo etc., neituten an lehkha pawimawhte kenga an ram zawna lo awm vek tura hriattir an ni.
