National Insurance Company (NIC) Chairman cum Managing Director NSR Chandraprasad leh a hote’n vawiin khan Chief Minister Pu Lal Thanhawla chu a office ah hmuin, Mizoram sorkar nen thawhho dan tur an sawiho.

NIC hotu lokal te hi Chief Minister Pu Lal Thanhawla’n Pu Pranab Mukherjee-a Finance Minister Minister anih laia Mizorama Insurance Company te hnathawh dan duhkhawp anih loh thu a zuk thlen chungchang a bawhzuina a ni a. Vawiin inkawmnaah hian Pu Chandraprasad chuan tun financial tharah office te tih len anih tur thu leh tualchhung mi chhawr an nih tur thu Chief Minister hi a hrilh a. Lunglei leh Kolasibah te pawh office hawn an tum thu a hrilh bawk a ni.

Chief Minister chuan Land Use Policy thar chu kuthnathawktute tana duan anih thu sawiin, Insurance chu mipui mimir tan a pawimawh tawlh tawlh tur thu a sawi bawk a ni.