Vawiin chawhma dar 11:30 ah NLUP Marketing Cell leh Foreign Agri-Business Development Experts; Donald Taylor (USA) leh Peter Crowley (Australia) ten meeting neiin Agriculture Market Access Development-a hmalak dan tur an sawi hova. Central Government Guidelines (Ministry of Agriculture) PPPIAD hmanga thawhho dan rel a ni.

He project hnuaiah hian a bul tan nan central sorkar tanpuina Rs. 100 crores leh foreign funding Rs. 100 crores a belhkhawm a Rs. 200 crores project-in hmalak tum a ni a. Hei hi a hlawhtlin dan ang zela hmalakna tih leh zel theih a ni.

Pu Donald Taylor (USA) hi South East Asia leh Africa rama project siama kum 30 chuang thawk tawh, 2004 atanga India rama USAID hmalakna lo enkawl tawh a ni. World Bank Project, Asian Development Project leh PABO bank Foundation hnuaia lo thawk thin a ni a. Pu Peter Crowley (Australia) hi chutiang bawka World Bank, Asian Development Bank leh khawvel ram hrang hrang nena project lo siam hova thawk ho thin a ni bawk. NLUP Marketing nena thawkho tura an hmalakna hian Mizoram Agriculturing Road Map tha tak a nei dawn a ni.

Vawiin vek chawhnu dar 1:00 ah NLUP Nodal Minister Pu H. Liansailova hovin meeting an nei leh a, NLUP nena thawhho dan turte chipchiar takin an sawi hova, Experts te hian NLUP ang project tha Mizoram-in a lo kalpui hi ropui an tih thu leh thawhho ngei an chak thu an sawi. Agri-Business Development Experts te hian Chief Minister pawh hemi chungchanga hmalak dan tur an sawipui leh dawn a ni.