Inspector General Assam Rifles (East) hnuaia awm 23 Sector Assam Rifles chuan tunhnai khan Mizoram, Tripura leh Assam chhim lam naupang 15 leh an zirtirtu 3 te tan National Integration Tour an buatsaih a, Tour a kal te hi January ni 3, 2014 khan 23 Sector Assam Rifles, DIG, Brig. GAV Reddy chuan a lo lawmlut a ni.
He Tour hi December ni 19, 2013 khan IGAR (East) Maj. Gen. Satish Dua’n Silchar atangin a vailiam a ni. Ni 17 awh Tour a kalte hian Jaipur, Chandigarh, Agra leh Delhi a hmun pawimawh te an tlawh a, Jaipur-ah Rajasthan Governor Pi Margaret Alva leh Delhi-ah Sawrkar Laipui Home Secretary Pu Anil Goswami te nen inkawmhona hun tha tak an nei.
Assam Rifles chuan National Integration Tour hi inpumkhatna leh hnam hrang hrang te inkara inunauna tha zawk a thlen theih nana an buatsaih anih thu an sawi. Mizoram atanga he Tour a kal zirlai naupang Vanlalkima chuan Tour a thil tawnhriat chu atan chuan thil theihngilh ngai lo a ni dawn nia a hriat thu a sawi a, Tripura zirlai naupang pakhat Daniel Reang chuan Tour a thian tha a char chu atan chuan kumkhua thian tha an ni dawn a ni, a ti.
