India rama Scouts & Guides intawhkhawmna lian ber, National Jamboree Scouts & Guides chu December ni 28, 2016 atanga January ni 4, 2017 chhung hian Mysuru, Karnataka ah hman a ni dawn a. Mi 24,500 vel kalkhawmna tur Jamboree-ah hian Mizoram aiawhin mi 78 an kal ve dawn a ni.

National Jamboree-a Mizoram aiawh a tel tur te hian district pasarih atangin Scout leh Guide thlan an ni a. Anni hi Sports & Youth Services Department atangin Pi Saizampuii, Pu Lalngilneia Colney, Pi Lalnunsiami Pachuau te bakah Organiser-te leh zirtirtu (Scoutmaster & Guide Captain) ten an hruai ang a. December ni 24, 2016 ah Aizawl chhuahsan in, January ni 10, 2017 ah an lo let leh beisei an ni.