Mamit District SP Pu Abhishek Dhania te nupa hmalakna leh MPFWA, Mamit te buatsaihin vawiin khan SP office tualzawlah a thlawna in entirna buatsaih a ni.

He free medical camp ah hian AIIMS Delhi atangin ruh lam doctor thiam bik Buddhadev Chowdhury chuan damlo te a thlawnin a en a ni.

Pu Abhishek Dhania SP Mamit chuan Police te leh mipuite inkara in pawhna tha zawk a awm theihna tur leh thingtlang miharsa, damdawiin hmunpui pan thei lote tana remchanna siamsak duhna avangin doctor thiam Delhi atanga chah chhuah a nih thu a sawi. Hetiang hun hi tum dangah pawh doctor in berawn chung zela buatsaih leh theih dan kawng zawn a nih dawn thu a sawi bawk a ni.

Vawiin hian damlo in entir tur hian Mamit khawpui chhung leh chhehvel khua atangin ruh lama harsatna nei mi 150 chuang inentir turin hming an ziak a. Kum upa zawkte tan in entirna hun hi hawn hmasak a ni.