Vawiin 21.1.2013 chhun dar 11:00 khan Ministry of Home Affairs, (Fire Project Cell) in ruahmanna a siam angin Mizoram hmun dang rualin Mamit District ah pawh Government High School Mamit ah National Level Fire & Evacuation Drill chu School naupang leh zirtirtute tan hlawhtling takin hman a ni. Vawiin a Drill ah hian kangmei laka school naupang te an him theihna tur leh kangmei lo chhuaha invenna tur kawng hrang hranga entir a ni a. Kangmei lo chhuah thulh a a kaihhnawih department Fire & Emergency Services, Mamit a Firemen leh Medical Department, Mamit ten doctor te leh an hmanrua chikim rawn thawh chhuahpuiin, a hman dan hrang hrang te entir a ni a. Police Department lamin kangmei thelhtute tibuai thei mipui pungkhawm leh venhimna hna thawktute tibuai zawnga mipui lo chiaia lo phili te hnawh darh hna te an thawk bawk a. School naupangte leh zirtirtu te pawhin an mawhphurhna te hlawhtling takin an entir bawk a ni.