Vawiin khan Govt. Kolasib High School-ah National Level Fire & Evacuation Mock Drill, Mizoram Fire & emergency Services buatsaihin hlawhtling taka neih a ni.

He Mock Drill hi Aizawl atangin Pu C. Lalthanmawia, SP, Mizoram Fire & Emergency Services chuan a hmanpui a. Mock drill pawimawhna leh a thiltumte sawiin chhiatrupna /Disaster thilah tanpuitute anlo thlen hmaa anmahnia an lo chet ve dan tur zirtirna te, sikul ten chhiatna leh rikrum thila an lo in chhanhim ve theih dan tur zirtirna te a ni, a ti a. Chumi piah lamah chuan chiai lova kangthelhna hmanrua leh hmanraw dangte hman dan inzirtirna a ni, a ti. Thal khaw ro kan luh chhoh mek lai hian mitin kangmei ti chhuak lo tura kan fimkhur a tul takzet a ni tih sawiin kan fimkhur loh avanga nunna hlu takin a tuar thin tehi a pawi em em a ni, Pu Thanmawia chuan a ti a ni.

Pu Zairemmawia, Addl. DC, Kolasib chuan Mock Drill hi a telpui bawk a. Sawrkar laipui ruahmanna-a hetiang programma tha tak mai, fimkhur leh a tul anga chet thawh inzirtirna Kolasib-a neih a ni chu a lawmawm a tih thu a sawi a. Hetiang lama hriatna hi midangte hnena zau zawka la inhrilh zel a tha a ni, a ti a ni.

Fire & Evacuation Mock Drill hi Govt. of India, Ministry of Home Affairs ruahmanna-a neih a ni a. Kangmei chhuak laka kan lo him theih nana zirtirna a niin State hrang hrang District tina skul thlan bikah vawiin hian neih a ni.