2311/2023-2024

Aizawl the 13th October, 2023 : Science Promotion Wing, SCERT Mizoram hian Science zirna tih hmasawn nan leh chawi nun nan kawng hrang hrangin -Science Exhibition, Science Drama, Incentive Cash Awards, Training Laboratory/equipment sem, etc., hmangin hma a la thin a. Science zirna tih hmasawn nan leh zirlai naupangte tana an thiamna leh theihna phochhuahna remchang tak a siam a ni. Student Science Seminar pawh hi kum 1979 a tang khan kum tin District level-ah leh State level-ah buatsaih thin a ni, SCERT Mizoramin kumin 2023 a State Level Science Seminar a buatsaih a ti tha ber Emily Malsawmzuali, Class X, St James School, Chawlhhmun, Aizawl chuan ni 12th -13th October, 2023 khan National Science Center, Pragati Maidan, New Delhi ah Mizoram aiawh in National Level Science Seminar ah hian Presentation a zuk nei a.

Kumin Science Seminar thupui chu "Millets - A super food or a diet fad?" tih a ni a, he seminar -ah hian India rama State hrang hrang leh UT atangte in zirlai pakhat theuh an state/UT aiawhin an kalkhawm a ni.

Emily Malsawmzuali, St James School, Chawlhhmun Aizawl hian National Level Science Seminar-ah hian lawmman Pathumna (3-na) a la in, amah hi Pu Isac Vanialhruaia, Guide teacher, St. James School, Chawlhhmun Aizawi in a tawiawm a, Science Promotion Wing SCERT chuan zirlai ti tha, National Level a lawman la phak kan nei hi an chhuangin an lawmpui tak zet a ni.