2310/2023-2024

Lawngtlai dated 13th October 2023: Vawiin chawhnu khan DC Conference Hall, Lawngtlaiah MLA inthlanna neih tur a chanvo hrang hrang neitu, Nodal Officer-ten an hmalakna sawi hona hun hmangin ṭhutkhawmna an nei a. Pu H. Lalhmingthanga, District Election Officer chuan hun kaihruaiin hmalak tawh dan leh harsatna hrang hrang awm te chinfel dan tur sawi ho a ni.

Ṭhutkhawmnaah hian inthlan kaihhnawih a hmun hrang hrang a zinchhuak tur ten Malaria leh natna dang lak a an him theih nan mutbu leh thosi len an ken bak ah ṭul thut a hman tur damdawi tlanglawn engemaw zah ken tir ni se tih rel a ni a. Polling Station-a hman tur hmunhma tla bal zual thawmṭhat thuai a nih theih nana hmalak dan tur te sawi a ni. Inthlan hun a vote kim tak a thlak a nih theih nan pianphung a rualban lo leh kum lam a upa, , Polling station pan tur a harsatna nei dap chhuah te leh chhinchhiah te, Election kaihhnawih a duty chhuak tur te vote thlak dan tur sawi ho a nih bak ah vote tla felfai tak a chhiar a nih theih nana ruahmanna siam dan te sawi ho a ni. Nodal Officer-te enkawlna hnuai a mawhphurhna hrang hrang nei ten an chanvo theuh tha tak a an hlenchhuah theih nan Training uluk tak a pek dan tur sawi ho a ni a, Training ngai pawimawh tur a hriattir ni se, tih rel a ni bawk. Thutkhawmna ah hian inthlan kaihhnawih a bungrua mamawh zat te, lirthei, duty-te ei leh in leh an thlenna tur ruahman dan te sawi ho a ni.

Lawngtlai district-a MLA inthlanna neih chhung a mawhphurhna hrang hrang hlenchhuak tur hian Nodal Officer 20 ruat an ni.