1869/2022-2023 

Aizawl, the 9^th September 2022 : Hotel Hyatt, Hyderabad a National Mines Ministers’ Conference neih mekah (9^th – 10^th September 2022), Commerce & Industries Minister Dr. R. Lalthangliana, Geology and Mineral Mining changtu ni bawk chu vawiin khan a tel a. He Conference hi Union Minister of Mines, Parliamentary Affairs, Coal & Mines hova neih a ni. Ni hnih awh Conference in a tum chu Sawrkar Laipui Ministry of Mines leh State Sawrkarten leihnuai hausakna mineral zawnchhuah leh laihchhuah kawnga thawh hona țha zawk neih leh kum 25 lo la awm turah Mineral Sector-a India hi Developed Nation a hlan kai a ni. A ni 1-na ah hian Ministry of Mines subject thlur bik niin, a ni 2-na, naktuk ah Ministry Coal subject thlurbing a ni dawn a ni.

Conference ah hian Dr. R Lalthangliana chuan thusawiin major mineral laichhuaktu - Mining Lease neituten royalty (State's own Non-Tax Revenue) an pek bakah additional royalty 2% an pek tlingkhawm, National Mineral Exploration Trust (NMET) Fund ah an chhunluh hi major mineral zawnchhuah (explore) nana hman thin hi minor mineral ( lung, balu, brick earth etc) zawn chhuah na senso atana hman phal a țul tiin hemi atan NMET Rules, 2015 chu siam țhat theih ni se, hei hi a bikin State rethei zawk NE States tan a ngai takzet tur thu a sawi a. Central Govt. Scheme - Pradhan Mantri Khanij Ksetra Kalyan Yojana (PMKKKY) tih hlawhtlin nana District Mineral Foundation (DMF) Rules, 2022 tun ațanga rei lo teah peih theih beisei thu a sawi a. He scheme hi hman theih a nih hunah chuan thil laihchhuah (mining) -in a nghawng (affected) area leh mipui te a tuamhlawm let thei dawn a ni, a ti.

Dr. R. Lalthangliana chuan Ministry of Mines in kum 5/6 kalta vela NE State te a puih bik țhinna - NE Special Assistance Programme chu chhunzawm leh a țul takzet tiin hei hian leilung hausakna zawnchhuah leh laihchhuah kawngah NE State Directorate of Geology & Mining tha nasa takin a tichak thei dawn tiin a sawi. Sawrkar Laipui duhdan leh ti tura min duh, Minor mineral laichhuah kawnga sustainable development a awm theih nana lo endikna tur Star Rating of Mines Template peih a nih tawh sawiin he template hi Mizoram chhunga minor mineral enkawlna dan thar tur The Mizoram Minor Minerals (Concession and Prevention of Illegal Mining) Rules, 2022 duan peih tawhah dah luh niin Mizoram Sawrkarin he dan thar hi a pass veleh hman a ni ang tiin a sawi bawk.

National Green Tribunal (NGT) in a duh dan anga minor mineral laichhuak tura environmental clearance neih nana ngai - District Survey Report (DSR), Environmental Management Plan (EMP) leh adangte bakah Sand leh sandstone zawnchhuah nana Ministry of Mines a cheng nuai 518 dil mek chu pek theih ni se tiin a ngen a. National Mineral Policy, 2019 in thil laihchhuah leh a phurhchhuahte Infornation Technology thiamna hmanga lo monitor na tur project - Enhancement of the State Revenue through Application of Information Technology in monitoring mineral exploitation & resource mapping, Rs. 4.69 Crores project NEC a thehluh, DPR pawh pawm tawh chu sanction nghah mek a nih thu a tarlang bawk.

Tun kum 2022 October/ November thla chhung hian NE State Geology & Mining Minister Forum din tura a lo rawt tawh chu Nagaland ah meeting hi neih tum a nih thusawiin he forum hian NE Geology & Mining Department te chu a tihchak sawt bakah Ministry of Mines leh NE State te thawh hona a titha thei dawn a ni, a ti.

Minister hi Er. Lalremmawia, Deputy Controller of Mines, Geology & Mining-in a țawiawm a ni.