2774/2022-2023
Aizawl the 23rd November 2022 : Vawiin khan Mizoram Pharmacists' Association huaihawtin Mizoram Sate Pharmacy Council leh Dept. of Pharmacy, RIPANS ten Art & Culture Auditorium, Berawtlangah National Pharmacy Week 2022 lawmna hun an hmang a, kumin a National Pharmacy Week thupui hi "Pharmacy of The World, India" tih a ni.
Chawhma lamah Continuing Pharmacy Education/Refreshers' Course hman niin damdawi leh a kaihhnawih chi hrang hrang, thupui pathum,
1. Pharmacy leh damdawi enkawl dan leh khuahkhirna chungchangte,
2. Damdawi nihphung chi hrang hrang (dosage forms) taksa in a lo dawnsawn dan leh taksa a a hnathawh dan kawng hrang hrang (Pharmacokinetics & pharmacodynamics)-te
3. Pharmacovigilance (damdawi nghawng thalo leh a kaihhnawih enkawl leh vilzui dan chungchang) te mithiamte nen zirho a ni a.
Chawhnu lamah National Pharmacy Week lawmna hun hman nii Pu Lalsawma, president Mizoram State Pharmacy Council leh Drug Controller & Licensing Authority/Joint Director, Food & Drugs, Health and Family Welfare Department Govt. of Mizoram chu khuallian niin kum kalta chhunga member chatuan ram pan ta te sunna hun hman a ni bawk .
Cultural program hman chhunzawm a ni a, RIPANS zirlai ten Northeast state hrang hrang hnam lam entirin leh zaithiamte nen hun hman a ni a. Pharmacy zirlai kum kalta a titha ber pi pali hnena SL Sailo Memorial Pharmacy Award sem a ni bawk.
National Pharmacy Week 2022 hi ni 21 Thawhtanni kalta khan Health & Family Welfare minister Dr. R. Lalthangliana hovin damdawi kaihhnawih a mipui leh ram tana hmasawnna tur kawng hrang hrang sawihona neiin a hawnna hun hman a lo ni tawh bawk a ni.
