National Press Day -November ni 16 - hi India rama chanchinbumite zalenna leh pawimawhzia tilangtu chhinchhiahna pawimawh a ni a. Chanchinbu thiltithei tak hian a mawhphurhna hlenchhuak turte, nawrna leh vauna avanga an buai mai lohna tura Press Council of India in hna a thawh tan ni a ni. Khawvel hmun hrang hrangah Press leh Media Council te awm bawk mah se, Press Council of India hian danglamna tak mai a neih chu tuma khawih buai lohva mahni thua chanchinbumite an din theihna tur leh an zalenna humhimna tur a nih phawt chuan State hmanruate chungah pawh thuneihna a nei hial a ni.

Kum 1956-a Press Council of India a lo din theihna tura rawtna thlentu Press Commission hmasa ber chuan journalism ethic tundinna tur tha ber chu he industry nena inzawm mi pawimawhte hmanga thuneihna nei statutory authority din hi a ni a. Hemi kal zelah hian November 16, 1966 khan Press Council of India din niin a tihturte tha takin a hlenchhuak ta zel a ni.

Hetiang a nih avang hian November ni 16 hian chanchinbumite zalenna leh mawhphurhna sanzia a tilang chiang hle a. A hluttu apiangin he ni hi an serh a ni.