March ni 4 hi India ram pumah National Safety Day atan hman thin a nih angin Mizoram-ah pawh vawiin khan he hun hi Labour Employment & Indutrial Training Minister Pu Lalrinliana Sailo hovin ama office-ah hman ve a ni a. He Ni hi National Safety Council din cham zulzuiin kum 1972 atang khan kum tin hman thin a ni a, Mizoramah chuan a vawi khatna atan vawiin khan hman ve a ni.
Pu Lalrinliana Sailo chuan he Ni hian a tum ber chu Company, Factory leh Industry hrang hranga hnathawktute hriselna leh himna a ni a, Mizoram-ah Industry lian leh Construction Company lian tham te awm lo mahsela hnathawktute himna leh hriselna lamah hian sorkarin theihtawpin hma a la zel dawn a ni, a ti. India sorkarin kut hnathawktute hi ram hnuk an ni tih hriain a ngai pawimawh tak zet a, hriselna tha leh hnathawhna hmun him an neih theihna turin hma nasa takin a la reng a ni, a ti bawk.
National Safety Day hmanna-ah hian Trade Union hrang hrang aiawh leh official te an tel a, hun kal zel turah hlung zawka he Ni hman a nih theih nan Resolution pahnih passed a ni, chung chu : 1). Kum tina National Safety day hman ziah leh 2). Mizoram Industries neitute, Company te leh hnathawktute zingah awareness campaign a remchang anga neih te an ni.
National Safety Day hmanna-ah hian Trade Union hrang hrang aiawh leh official te an tel a, hun kal zel turah hlung zawka he Ni hman a nih theih nan Resolution pahnih passed a ni, chung chu : 1). Kum tina National Safety day hman ziah leh 2). Mizoram Industries neitute, Company te leh hnathawktute zingah awareness campaign a remchang anga neih te an ni.
