Vawiin chawhnu Dar 2:00 Pm khan DC’s Conference Hall ,Saiha-ah National Sanitation Campaign Saiha District-a kalpui dan tur relin meeting neih a ni. He meeting District Bawrhsap PU Alok Swarup IAS kaihruaiah hian Head of Office te, Tlawmngai pawl hruaitute, Chanchinbu mi te leh Zirtirtu te an tel a ni.

Vawiin meeting hian National Sanitation Campaign hnuaia hmalakna chi khat atan, Zirlai naupang Class IX-XII te tan Mizo tawng Article, thumal 500 hmanga inziahsiakna buatsaih tur a ni a. Lawmman atan Pakhatna Rs. 3000/-, 2-na Rs.2000/- leh Pathumna Rs.1000/- te siam sak tura rel a ni. Hlahril (Poem) inphuahsiakna pawh a duh apaingte tel theihna buatsaih tum a ni bawk a, lawman 1-na Rs.3000/-, 2-na Rs.2000/- leh 3-na Rs.1000/- siam sak tura rel a ni bawk. Heng Article leh Poems te hi ni 15th Nov,2014 aia tlai lova, Pu Lalremruata Sailo, SDC hnena theh luh tur a ni a, Poster/Banners/Hoarding tar turin LAD, MADC te chu ruat an ni. Faina lam pang hawi Slogan te chu NSV Cable in Maraland Idol an host laia puang tur leh HSV ten Bible Quiz an host laia puang thin tura ngen turin meeting chuan a rel bawk a. Anti- Tobacco Talk Show Ni 4, November,2014-a neih tura Sanitation Topic pawh tel tura rel a a ni. Meeting chuan Chanchinbu leh Cable TV-ah a tam thei ang bera Faina lam pang hawi News leh Article chhuah thin tura MJA, Saiha District te ngen a rel bawk a ni.

He mi bakah hian School naupang te hnenah Faina Topic hmanga Lecture pe turin ruahmanna siam turin Medical Department leh District Education Department te chu ruat an ni bawk.

Attachment

  • Loading attachment...