No.4133/2021-2022
Aizawl 28th February, 2022: Vawiin khan Mizoram Science, Technology & Innovation Council (MISTIC), Directorate of Science & Technology, Planning Department, Govt. of Mizoram buatsaihin Innovation Facility Centre Exhibition Hall, MINECO, Aizawl-ah 'National Science Day, 2022' hman a ni a. He hun hi Dr. Lalhriatzuali Ralte, IAS, Deputy Commissioner, Aizawl chuan Khuallian niin a hmanpui. Kumin National Science Day puala thupui chu ‘Integrated Approach in Science & Technology for Sustainable Future’ tih a ni.

National Science Day 2022 lawmna hi Pu H. Lalsawmliana, Chief Scientific Officer leh Member Secretary, MISTIC chuan a kaihruai a. Pu Samuel Lalmalsawma, Senior Scientific Officer hnen atangin Report ngaihthlak niin Mizoram hmun hrang hranga he ni hman dan leh kum danga hman tawh dante a tarlang. National Science Day 2022 Theme pualin Power-point Presentation Dr. David C. Vanlalfakawma, Assistant Professor, Department of Forestry, Mizoram University hnen atangin ngaihthlak a ni bawk.

National Science Day Co-ordinator Dr. Davy Lalruatliana, Scientific Officer, MISTIC kaihhruaina hnuaiah State Level Science Quiz 2022 (Online) MISTIC-in a buatsaih result puanna leh lawmman semna hun hman a ni nghal a. Dr. Lalchhandami Tochhawng, Scientific Officer, MISTIC chuan lawmthu sawina hun hmangin National Science Day, 2022 inkhawm a khar a a ni.