No.4132/2021-2022
Aizawl 28th February, 2022: Central Sorkar, Ministry of Finance chuan Kawnpui Field No 2 tihzauh nan leh phullem phah nan Rs.600 lakhs a rawn sanction a, Mizoram State Sports Council chu Working DPR siam turin Mizoram Planning Deptt-in a hriattir tawh a ni.

Hemi chunchangah hian Sports Minister Pu Robert Romawia Royte chuan Tuirial Bye Election campaign laia Kawnpui bial mipuite ngenna angin Kawnpui Field No 2 siamthaa phullem phah an lo intiam chu Chief Minister Pu Zoramthanga leh Central Sorkar zarah a hlawhtling chho tan a ni, tiin lawmawm a tih thu a sawi a. FIFA standard ngeia siam puitlin tum a nih thu leh Kawnpui bial mipuite a lawmpui thu a sawi.

Kawnpui Field No 2 zauh leh phullem phah hna hi March 2023 ral hmaa sa zo hman turin MSSC lamin hma an la dawn a ni.