No.4131/2021-2022
Aizawl 28th February, 2022: Vawiin khan DC Conference Hall, Mamit-ah Pu Lalnunhlua, District Bawrhsap hovin Prime Minister Employment Generation Programme (PMEGP) hnuaia District Level Monitoring Committee thutkhawm a ni a. Kum 2021-2022 chhunga Mamit District chhunga PMEGP hnuaia hmalakna hrang hrangte thlirho a ni.

Meeting kaihruaitu Mamit District Bawrhsap chuan PMEGP Loan la te'n anihna ang taka hmang a, an hlawhtlinpui ngei theihna tura a theih ang anga vil zui turin line department te a chah.

Pu H. Lalthlengliana, Panchayat represent pawhin PMEGP chu mipui nawlpuite'n kan hman tangkai thiam theih nan theihtawpchhuah zel turin thawktute chu a chah a. District chhung mipuite'n tun aia nasa lehzuala tih tak takna nena kan kalpui a duh thu a sawi bawk.

Meeting-ah hian Kum 2021-2022 chhunga District Industries Centre (DIC), Mamit-in PMEGP Proposal an dawn dan ngaihthlak niin DIC hnuaiah hian Mamit District chhung Bank hrang hrangah hetiang hian dilna thehluh a ni. SBI Mamit-ah 3, Zawlnuam SBI-ah 3, Mizoram Rural Bank, Mamit-ah - 3, MRB Rawpuichhip - 3, MRB Kawrthah Branch - 2, MRB Kanhmun Branch - 2, MRB W. Phaileng - 3 leh MRB Reiek Branch - 3 avaiin dilna thehluh hi 22 a ni a. Hetah hian Margin Money chu 57.34 lakhs a ni.

PMEGP hnuaia dilna lutte hi Online hmanga tih niin dilna form fill-up rual hian automatic-in Score card-ah mark inpe nghalin 60 mark hmu chinte dilna hi lo enfel niin Bank-ah thawn luh thin a ni.

Vawiin thutkhawmah hian PMEGP hnuaia hmalakna chu tun aia nasa zawka a hlawhtlinna hmuh anih theih dan tur kawng hrang hrang sawiho zui nghal a ni bawk.

Meeting-ah hian Lead Bank Manager, Kolasib/Mamit, Director, RSETI, MKVIB aiawh, NYKS aiawh, MSME DI aiawh, Panchayat aiawhte bakah Mamit District chhunga Bank hrang hrang aiawhte an tel a ni.