Vawiin khan I&PR Auditorium-ah Art & Culture leh All Mizoram Women Federation (AMWF) buatsaihin “National Seminar on Gender Equality” neih a ni a, Art & Culture Secretary, Pu C. Thatkunga’n a hmanpui.

Pu C.Thatkunga chuan mitin hi intluk tlanga siam kan ni a, India Danpui Article 14 na chuan mipa leh hmeichhia intluktlanna a sawi a ni tiin, in en hranna leh inthlirhran phal a ni lo tih sawiin, heti chunga hmeichhiate’n enhran leh ngaihnep an hlawh fo chu tha a tih loh thu a sawi a. He seminar hian rah tha chhuah ngei tura a duh thu sawiin, kan rilru put hmang leh thlir dan thlak danglam tu ni thei tura a duh thu a sawi bawk.

He Seminar hi North Eastern Zone Cultural Centre-in a sponsor a ni a. He Seminar ah hian Mizoram leh Nagaland-a Political Platform a hmeichhia te dinhmun leh hlankai an tulna te, hmeichhiate’n ei leh bar zawnna kawnga an thawhlawk dan te, Bible a hmeichhe dinhmun a sawi dan te leh Khasi leh Garo a Hmeichhiate dinhmun te zirho a ni.