652/2023-2024

Aizawl the 1st june 2023 : Ni 1 June 2023 khan Mizo Department, Mizoram University te buatsaih National Seminar on Role of Women-Educator, Writer and Entrepreneur in Mizoram tih chu Seminar Hall, Department of Education, Mizoram University ah hman a ni a. He Seminar ni hnih awh tur hawnna inkhawm Dr. Ruth Lalremruati kaihhruaiah hian khuallian Prof. Dibakar Chandra Deka Vice Chancellor, Mizoram University chuan he seminar thupui hi tunlaia thupui pawimawh leh kan ngaihtuah fo tur a nih thu sawiin, kawng hrang hrangah hma kan sawn tlan a tul tak zet thu a sawi a. Kan ram leilung pawh kan tu leh fate tana chhawm zel tlaka kan siam a pawimawh thute, ram zahawm leh chak kan nih theih nan hnam tin chin dan leh tih dan leh tawngte kan inzah tawn sak a tulin, harsatna hrang hrang kan neih te pawh a chinfel dan kawng kan zawn zel a ngaihthu a sawi bawk. Khuallian chuan thu leh hla tha ziak tura kan tan tlan a tul thu leh hnamdang ten Mizo tawng an zir theihna tur kawng dap a tul thu a sawi bawk.

He seminar a Keynote sawitu Prof. Zoengpari, Honorary Director, UGC, Women's Studies Centre pawhin Mizoram hmeichhe dinhmun hrang hrang a sawi bawk. He seminar ah hian mithiam ten kawng hrang hranga Mizo hmeichhiate hmasawnna tur leh hma an sawn dan dinhmun an zirbingna chu zirho a ni dawn a ni.