653/2023-2024

Dated Serchhip, the 1st June, 2023: Vawiin khan Serchhip DC Meeting Hall-ah Serchhip District Skill Competition, 2023 hawnna inkhawm Pi Nazuk Kumar, IAS, District Bawrhsap hova neih a ni.

Pi Nazuk Kumar chuan, Serchhip DC Office chuan a vawi khatna atan Serchhip District Skill Competition, 2023 a buatsaih dawn a, a hawnna hun hi buatsaih hmasak niin Skill Competition tak hi chu June ni 26 chawhma dar 11 ah ah DC Conference Hall-ah buatsaih a ni dawn a ni, a ti. A kalpui dan tur tarlangin, District Skill Competion 2023 ah hian zirlaite leh thalaite chu kutthemthiamna thil heng; Handicraft/ Carpentry, Lemziak, Zai te leh Scientific Project emaw Elecrical Equipment bakah eizawnna kawnga ngaihtuahna thar an neihte an pho chhuak thei dawn a. A titha thlan ten lawmman tha tak an dawng ang a, a tel zawng zawngte hnenah Certificate pek a ni bawk ang. Zirlaite leh thalaite chu he hun hmang tangkaia a tam thei ang ber tel turin a sawm a ni.

District Skill Competition hi category pahnih, Junior Group leh Senior Group ah then a ni a, Junior group hi zirlai naupang class IX atanga class XII te tan a buatsaih niin, Handycraft/Carpentry, Painting leh Singing ah te inelna neih a ni ang a, inelna tina a titha ber te hnenah lawmman cheng sang sarih (Rs 7000) theuh hlan an a ni ang. Senior Group hi kum 18 atanga kum 30 inkar Serchhip District mi tu pawh tel theihna tur a ni a, Scientific project/Electrical Equipment leh New Start-up Idea Pitching tih hmangtein inelna an nei ang a, a titha ber thlanchhuahte hnenah pawisa fai cheng sing khat (Rs 10000) ve ve hlan an ni dawn a ni.

A tel duhte tan Online hmangin inziahluh theih a ni ang a, a address chu serchhip.nic.in/ a ni. Offline pawha dil theih niin a tam thei ang ber an tel theih nan Entry form hi Govt. Serchhip College bakah DEO Office ah te dah tel a ni ang. Hrechiang duh te tan Pu Vikas Walke, Mahatma Gandhi National Fellow, Ministry of Skill Development and Entrepreneurship, Govt. of India. Phone Number 9673 937 171 ah ngaihven theih a ni. A tel duh turte chuan June ni 15,2023 hma ngeia ngaihven ni se a lawmawm hle ang.

Serchhip District Skill Competition 2023 khuhhawnnaah hian Pu James Lalnithanga, Addl DC, Pi Rebecca Laldinmawii Hrahsel SDO(S) bakah Department sawm bikte an tel a ni.