3269/2022-2023
Aizawl, the 16th January 2023: Vawiin khan Mizoram Sawrkar Planning & Programme Implementation Department hnuai a Mizoram Startup Mission (MSUM) bul tumin National Startup Day Mizoram Edition lawmna hun, Dawrpui Multipurpose Hall- ah hman a ni.

Pu Lalmalsawma Pachuau, Secretary to the Govt of Mizoram, Planning Department chuan hun hmanpuiin inlawmna leh thuchah tawi a sawi a. Dr. Lalsangliani, Asst. Professor ICFAI University hnen atangin Awareness on Startup & it's benefits chungchang ngaihthlak a ni a. India Sawrkar in mahni kutkawih a eizawng te tan a scheme hrang hrang a duan chhuah te leh hamthatna awm theite a sawi a ni. Pu Mark Lalduhsaka, Partner, One Organic Partnership leh Pu PB Lalrinfela, Founder, Tribeland Coffee ten anmahni kutkawih eizawnna bul an tan dan leh hemi kawnga harsatna tam tak an hmachhawn dan te tarlangin beidawng lova thawh tang tang leh teirei peih a pawimawh zia te an sawi a ni. High School leh Higher Secondary School sawm bik te leh College hrang hrang a Entrepreneurship Knowledge Cells student members te tan Startup Quiz leh Gamestorming te buatsaih a ni a. Mizoram a Strartups leh Entrepreneurs ten an thilsiam chhuah te pholanna hun leh zirlai te nen a inkawmna hun an nei a. Zai leh lam a intihhlimna hun te hman a nih hnu in Dr. Lalrinchhana, Principal Adviser, Planning Department chuan lawmthu sawi na in hun a khar a. Entrepreneurship chungchang a tui mi te leh hetiang lam kawng ngaihven duh tan Mizoram Startup Mission, Planning Department ah engtik lai pawh a lenglut tur in mipui te a sawm a ni.