Vawiin chawhnu dar 1:00 khan District Research Office Coference Hall, Serchhipah Statistics Day vawi 11 hman a ni a, thupui atan ‘Administrative Statistics’ hman a ni. 

He hunah hian khuallian Pu V.L. Remliana, MCS Project Director, DRDA Serchhip chuan thu sawiin ram changkanna hi thahruiah innghat lovin hriatna ah a innghat zawk a ni, a ti a. Statistics pawimawhna kan hriat tawk loh avangin ram leh sawrkar thlenga mualphona a thleng thei a, chutih rualin statictics dik leh rintlak chuan hmasawnna kawngah nasa takin mi a pui thung ani a ti bawk. 

He hunah hian Pu Laldinpuia, Asst, Professor, Economic Department, Govt. Serchhip College leh Dr. R. Lalmakthanga, Chief Veterinary Officer, Serchhip te hnen atangin thupui Administrative Statistics chungchang nghaihthlak a ni a, Pu K. Lalruatpuia’n Prof. Prasanta Chandra Mahalnobis chanchin a chhiar chhuak bawk. 

He hun kaihruaitu Pu V.L. Remliana, MPE&SS District Research Officer chuan he ni hman anih chhan sawiin Professor ropui tak Prasanta Chandra Mahalnobis a piancham June ni 29 hi Statistics day atana hman turin India sawrkar chuan a lo pawm a, kum 2007 atang khan kum tin he ni hi hman thin niin, thupui hrang hrang neia hman thin anih thu a sawi. 

He hun hmanna ah hian Serchhipa sawrkar Department hrang hranga hotu te leh zirlai naupang an kal tha hle a ni.

Attachment

  • Loading attachment...