Vawiin chawhnu khan SIRD&PR, Durtlang Leitanah SIRD&PR officer leh staff ten ‘Faina Beihpui Hawnna Hnatlangpui’ neiin, Bawngkawn – Durtlang Leitan inkar kawngpui an tifai. 

He hnatlangah hi Pi Maria C.T Zuali, Director, SIRD&PR chuan sawihawnna neiin, incheina, in leh lo leh inchhung bungrua ah Mizo ten nasa takin hma kan sawn laiin Faina lamah kan la hnufual hle a ni a ti a. Chumi avang chuan SIRD&PR chuan kumin 2017 chhung hian Faina leh Thianghlimna kawnga Mizo mipuite’n hm akan sawn theih nan nasa zawka hmalak a tum thu leh, chumi bultan nan chuan he Faina Hnatlangpawh hi neih a nih thu a sawi a. Officer leh staff-te chu a sawi a sawitu mai nilovin, a taka nunpuitu theuh ni turin a fuih nghal ani. 

Faina leh thianghlimna lama hmasawn theih nan nitin chanchinbu Vanglaini-ah Faina Huang siam a Inzirtirna tih chhuah thin a nih dawn thu leh a remchan dan ang zela hmalak tum a nih thu vawii hian sawi a ni.