Zanin khan Aijal Club-ah GIG Motors neitute bultumin National Sub- Junior Basketball Champion 2019 lawmna inkhawm buatsaih a ni a, Pu Robert Romawia Royte, Sport Minister-in khuallian niin a hmanpui.

Pu Robert Romawia Royte chuan ram aiawha feh chhuakten champion nihna an rawn hawn chu a lawmpui thu sawiin, ha hlawhtlinna hi player te thawhrimna a nih rualin Association hruaitute leh player te enkawltute inpekna avang a ni a ti. Minister chuan infiam mite promote nan leh sports discipline thi tawhte tihnun nan leh Mizo thalaiten khawvel huap intihsiaknaa Zofate kan lan theih nan December 9-13, 2019 hian MLA Constituency 40 te inelna tur State Games neih a nih tur thu a sawi a. Sub-Junior team champhion te chu duhtawk mai lova hmalam pana infiamnaa tan la zel turin a sawm a. India rama State fit ber ni tura tan la turin infiammi kalkhawmte a chah bawk.

GIG Motors neitu Pu John Lalpeka pawhin Mizo Basketball players te fuihin kan ram chhanchhuahna atana zirna ngaih pawimawh hmasak a tulzia leh sports promote turin Sports Minister leh department support a tum thu a sawi bawk. He hunah hian Dr. Vanlalthlana, MLA pawhin champion team te a lawmpui thu sawiin Basketball game lo luhchilhtu a nih thu leh tanlak zel a tum thu a sawi lang.

He function-ah hian Pu C.Laltlanthanga, Secretary, MSSC, Dr. Rinawma, MBA President leh mi pawimawh dangte an tel a ni.