Mizoram Table Tennis Association buatsaihin Table Tennis infiamna a National Sub-Junior Champion leh India No.1 ni lai Lalrinpuia chawimawina, vawiin khan Central YMA Hall Tuikhuahtlangah neih a ni a. Mizoram Olympic Asociation Secretary General, Pu Zolian Royte, Sport & Youth Services Director ni bawk chu Khuallian a ni.
Lalrinpuia (13) s/o Lalchhuankima Maubawk Veng hi MTTA hma lakna in Petroleum Sports Promotion Board (PSPB) Table Tennis Academy, Ajmer, Rajasthan-a zir tura mi tlemte thlan chuah zingah telin he Academy ah hian Mizo naupang 4 an lo zir tawh a. Nikum chhunga India ram Zone hrang hrang a National Ranking Championship inelna ah a titha berte zingah tel zelin kumin January thla-a 72 Cadet & Sub Junior National & Inter-state Table Tennis Championship, Indore-a neih ah Sub Junior Boys Single ah Gold medal leh Sub Junior Doubles ah a kawppui nen Gold medal a la ve ve a. Tunah hian National Ranking-ah Sub Junior-a No.1 a lo ni ta a ni.
Khuallian Pu Zoliana Royte chuan lawmpuina thuchah sawiin India ram mihring vaibelchhe tam tak zingah engti kawng pawha No.1 nih hi thil namai a ni lo, a ti a. Hun kal tawhah Mizo infiam mi tha tak tak, sorkar duhsakna pawh tam tak lo dawng tawh te, nun thlahdah avanga an vanglai hun uiawm taka hmang liam ta an awm nual a. Tuna naupang zawk ten hei hi inzir nan hmang se a duh thu a tarlang a. Mizoram sorkar-in infiamna a ngaih pawimawh zia pawh sawiin infiamna hmunhma tih changtlunna tura Mizoram hmun hrang hranga hmalak mek hi vaibelchhe 130 man vel a awm a ni, a ti a. Infiammite chawikanna tura incentive scheme hrang hrang pawh siam belh zel a nih thu a sawi.
Lalrinpuia chawimawina inkhawm hi MTTA President, Pu C.Lalrinzuala'n a kaihruai a. Pu C.Laltlanthanga, Sr.Sports Promotion Officer leh midang ten thu sawina hun an hman bakah MTTA hmingin Rinpuia hi thilpek hlan a ni a. Lawmpuitu mi enge maw zatin thilpek an hlan bawk a ni.
Khuallian Pu Zoliana Royte chuan lawmpuina thuchah sawiin India ram mihring vaibelchhe tam tak zingah engti kawng pawha No.1 nih hi thil namai a ni lo, a ti a. Hun kal tawhah Mizo infiam mi tha tak tak, sorkar duhsakna pawh tam tak lo dawng tawh te, nun thlahdah avanga an vanglai hun uiawm taka hmang liam ta an awm nual a. Tuna naupang zawk ten hei hi inzir nan hmang se a duh thu a tarlang a. Mizoram sorkar-in infiamna a ngaih pawimawh zia pawh sawiin infiamna hmunhma tih changtlunna tura Mizoram hmun hrang hranga hmalak mek hi vaibelchhe 130 man vel a awm a ni, a ti a. Infiammite chawikanna tura incentive scheme hrang hrang pawh siam belh zel a nih thu a sawi.
Lalrinpuia chawimawina inkhawm hi MTTA President, Pu C.Lalrinzuala'n a kaihruai a. Pu C.Laltlanthanga, Sr.Sports Promotion Officer leh midang ten thu sawina hun an hman bakah MTTA hmingin Rinpuia hi thilpek hlan a ni a. Lawmpuitu mi enge maw zatin thilpek an hlan bawk a ni.
