Vawiin chawhnu dar 2:30 p.m. khan kum 2010-2011 chhunga a tawpna atan State Level Monitoring Committee on PMEGP chu Printing & Stationery Department Committee Hall-ah an thu khawm. Meeting-ah hian Pu R.L. Rinawma IRS, Secretary/Commissioner i/c Industries chu Chairman a ni a; Pu Tinkhandala, CEO, MKVIB leh Pu R.K. Dhamija, Director, KVIC te bakah MKVIB, DIC leh Industries Department hnuaia thawktu pawimawh tak takte leh bank hrang hrang aiawh Senior Manager-te an tel a ni.
Meeting-ah hian kum 2010-2011 chhunga hmalaknate thlir let a ni a. Target siam a nihdan leh an hlawhtlin dante R.K. Dhamija chuan a sawifiah a, bank leh agency hrang hrangte hna thawh dan sawi ho a ni bawk. PMEGP chak leh zuala kalpuina atan information tha a pawimawhzia te, May thla chhunga target allotment siam fel hman a tul thu leh uluk leh fel zawka project proposal siam a tul thu te sawi ho a nih bakah State Level Monitoring Committee hian kum 2011-2012 chhunga Aizawla PMEGP kalpui dan tur a ngaihtuah nghal bawk.
Pu R.L. Rinawma chuan MKVIB, KVIC leh DIC te chu an hnathawh that avanga lawmthu hrilhin nasa lehzuala tang turin a fuih a. Bank hrang hrangte pawh lawmthu hrilhin PMEGP a hlawhtlinna atan thawhhona tha a pawimawh tih a sawi a, bank hrang hrang te chu a rang thei ang bera pending case te tifel turin a chah a ni.
Pu R.L. Rinawma chuan MKVIB, KVIC leh DIC te chu an hnathawh that avanga lawmthu hrilhin nasa lehzuala tang turin a fuih a. Bank hrang hrangte pawh lawmthu hrilhin PMEGP a hlawhtlinna atan thawhhona tha a pawimawh tih a sawi a, bank hrang hrang te chu a rang thei ang bera pending case te tifel turin a chah a ni.
