399/2024-2025

Aizawl, 02.05.2024: Vaihlo do kawnga National Health Mission hnuaia hmalatu National Tobacco Control Programme (NTCP), Mizoram te chuan Refresher Training cum Review Meeting chu ATI-ah nei in hun an hmang. Mizoram district hrang hrang atangin NTCP thawktute an kalkhawm a ni.

Dr. Eric Zomawia, Mission Director, National Health Mission chuan NTCP hmalakna hrang hrang te a la hlawhtling vek rih lo a nih pawhin tih dan dangte hmanga hma lak chhunzawm a tangkai thu a sawi a, vaihlo dona kawngah pawh chhungkua atanga hmalak a pawimawh thu a sawi bawk. Inkaichhawntheihloh natna - Non Communicable Disease (NCD) hrang hrangte thlen theitu langsar bet chu vaihlo zuk leh hmuam hman a nih thu a sawi a; cancer natna zinga 30% leh NCD nei zinga 30% te chuan vaihlo zuk leh hmuam an hman thin thu a sawi bawk a ni.

He hun hi Dr. H. Lianthangpuia, State Nodal Officer, National Tobacco Control Programme (NTCP) thawktute chuan kaihruaiin, NTCP ten vaihlo dona kawnga hma kan sawn zel theih nan kohhran hrang hrangte nen a thawhho a pawimawh thu leh thawhho pui tur a hma an lakna te a sawi a ni.

He hunah hian District hrang hrang report ngaihthlak niin Financial Year kal ta a hna an thawh that thu sawi a ni a, target an neih te an khum tha in hma an lakna kawng hrang hrangah an tih that thu ngaihthlak a ni bawk. He hunah hian hmalak chhoh zel dan tur sawihona neih a ni bawk.