131/2025-2026

10^th April, 2025 : Ni 8^th Atanga ni 10^th April, 2025 chhunga Social Welfare, Women & Child Development hnuaia Directorate of Social Welfare huaihawtin a vawi khatna atana a buatsaih National Tribal Youth Festival ni hnuhnung ber (10th-april, 2025) chu Health Minister Pi Lalrinpuiin khuallian niin hun a hmanpui a, hnam nunphung hlimawm tak tak leh hnam lam entir hmanga khar a ni.

Dr. Lalhriatzuali Ralte, IAS, Director, Social Welfare Department-in hun a kaihruai a. Mizoram Legislative Assembly speaker Pu Lalbiakzama leh Deputy Speaker Pu Lalfamkima ten he hunah hian an tawiawm bawk.

Programme hi lawmthu sawina hmanga tan niin, hemi hnu hian performance mawi tak tak neih a ni a, chung zingah chuan, Octave Mizo Zaipawl, Huiva, Thingsiri leh Chawkhlei Cultural Club bakah MCO club pariat ten Cultural hnam lam an entir a. Pu Lalnunhlua, Add Secy SW&WCD chuan keynote address a nei a, Khuallian Minister hian thu sawiin, Social welfare department ten National Tribal Youth Festival hlawhtling taka bul an tan thei hi lawmawm a tiin, a leh pek zel atan sorkar tan pawh inzirna tha tak a nih ngei a rin thu a sawi.

Chawhnu leh zan lam-ah hian Musical Festival neih a ni a, he hunah hian, India rama guitarist lar Nula pahnih Vawnchawi Vaiphei Manipur atangin leh Imnainla Jamir Nagland atangin an lo kal a, ropui takin an thiam an entir bawk.

District MZI Band hrang hrang: Khawzawl, Kolasib, Hnahthial, Mamit ten mipui an awi bawk a zaithiam hrang hrang icon RSA hoin an zai bawk.

A thlawna health camp neih a ni a, AYUSH doctor leh thawktuten mipui a chhimtute hriselna endikna neiin, damdawi pawh a thlawnin an sem  bawk a; hei bakah hian natna benvawn enkawlna tur leh taksa hahdamna atana taksa sawizawina hrang hrangte a mamawhtute tan an zirtir bawk a, Mizoram State AIDS Control Society(MSACS)-in a thlawna check-up leh HIV awareness an nei bawk ani. He hmunah hian Ei leh in-na hmun food stall leh Photo exhibition stall siam a ni bawk. Tualchhung entrepreneur leh SHG-te chuan tribal kutchhuak, ei leh in, leh thil siamte pholanin, tribal eizawnna tihhmasawnna kawng tha tak a ni.

Ni thum chhung awh festival-ah hian Mizoram chhunga tribal ṭhalai nunphung, hla, leh  culture hausa tak takte lawmna leh pholanna hun hman a ni a, tribal nunphung, culture leh tradition vawn nun nan a tha hle a ni.

Ni 11^th April, 2025 hi Naupang pual kut bik-ah hman a ni dawn a. Naupangte tana ni bik a nih angin Mizo thawnthu leh nunphung behchhanin Zo Kawsplei inelna neih ani ang, Mizo naupang infiamna hrang hrang a taka entir anih dawn bakah a hmuna kal ten an tel ve na turin buatsaih ani dawn bawk. Naupangte zingah Mizo thuama inchei mawi ber thlanna pawh buatsaih tum ani a, hei bakah Open quiz Competition buatsaih ani bawk ang a. Zirna in hrang hrang tana hnam lam inelna MCO ten an buatsaih dawn bawk. An lawman tur tha tak tak chhawpchhuah ani dawn a ni.