2486/2022-2023
Aizawl, the 31st October 2022: Vawiin Ni 31.10.2022 (Monday) hi National Unity Day (Rahtriya Ekta Diwas) a ni a, hemi pual hian Art & Culture Department buatsaihin Unity Run neih a ni.

Zingkar dar 7:00 AM khan Vanapa Hall kawtah National Unity Day pual inkhawm tawi buatsaih a ni a, Pi Carol VLMS Dawngkimi, Joint Director, Art & Culture Department-in a kaihruai a, Pu R. Hmingthanzuala, Director, Art & Culture Department-in National Unity Day pualin thu tawi sawiin National Unity Pledge sawi rual a ni a, Vanapa Hall atanga Millennium Centre thleng National Unity Day kawng zawh zui nghal a ni.

He hun hi Art & Culture Department-a thawktu zawng zawngte bakah Mizo Cultural Organisation (MCO) leh Mizo Cultural Artistes Association (MCAA) te nen hman ho a ni. National Unity Day hi Sardar Vallabhbhai Patel hriatreng nan a piancham October, ni 31 hi Kum 2014 atang khan hman tan a ni.