Vawiin chawhma dar 9:30 khan Health Directorate Conference Hall ah ni hnih chhung awh tur National Vector Borne Diseases Control Programme hnuaia State Quarter Review Meeting neih a ni.

He Review Meeting hi Dr.C.Zarzoliana, Joint Director (Malaria) in a kaihruai a,kum 2014, October thla chhunga Mizorama Malaria dinhmun power point a entirin, damlo thisen 256875 exam ah Malaria hrik pai (positive) mi 18513 an awm thu leh, chung zinga 16947 chu PF niin, 1566 chu PV an nih thu a tarlang a, Malaria vanga thi zat chu mi 21 an ni.He hun a khuallian Dr.K.Ropari, Principal Director, Health & Family Welfare chuan kalkhawmte chu rinawm tak leh theihtawp chhuaha thawk tura a fuih bakah, mipuite hnenah, 'Tihdam aiin, inven a tha zawk' tih hre renga thosi tui theihna tui tling tih bo te, thosilen zar that te leh DDT - a chenna in kah tir a pawimawhzia te zirtir thin turin a chah a.Malaria vanga thihna chhan hi inentir har thin vang a nih fo thu leh, mipuite chuan an khua a sikin Malaria vang a ni thei tih hriaa a rang thei ang bera an thisen test tir thin tura a duh thu a sawi a.Malaria chungchangah chauh pawh ni lo, natna dangah pawh mi thiamte pan hmasa lova, thiamna neilo rawn hmasa leh ring zawk tlat Mizoram mipuite zingah an la awm thin chu pawi a tih thu a sawi a, mipuite zinga mithiamte rawn thuai nachang la hre lo ten an hriat theihna tura zirtir turin thawktu zawng zawngte a chah bawk a ni.

He meeting-ah hian District hrang hranga Malaria lama thawktute an kal tha hle a ni.