3966/2024-2025

Dated Hnahthial, the 25th January, 2025: Vawiin khan Hnahthial District Football Association turf ground-ah National Voters' Day vawi 15 lawmna hun hman a ni a. Hnahthial Bawrhsap Pi Rita Lalnunmawii Pachuau chuan kalkhawmte hnenah thu sawina hun hmangin Election Officer, Pi Esther Leihang chuan he hun hi a kaihruai a. Hnahthial IV PS chhunga vote nei thar 19 te hnenah an EPIC hlan nghal an ni.

Bawrhsap chuan kalkhawmte hnenah chuan thu sawiin mipuite hian dikna chanvo pawimawh tak kan neih pakhat chu vote thlak thei tura Electoral roll a kan hming a chuan hi a ni a ti a. Kan dikna chanvo, kan rights hrim hrim hi kan hriat a pawimawh viau rualin a ken tel, kan tih tur, kan mawhphurhna (duty) hi kan hlen tel ve a tul a ni a ti a. Vote kan neih ringawt hi a tawk loh thu sawiin kan ram inrelbawlna a tel ve tak tak tur chuan vote thlak hi kan tih tur, kan tih makmawh a nih thu sawiin he huna kalkhawm zawng zawngte chu inthlanna a awm chuan vote thlak ve zel turin a sawm a. Mizoram hi ziak leh chhiar tamna ni mah ila duh ai hian vote tla hi a chhe thin chu pawi a tih thu sawiin vote tur ka hre lo tih vanga vote loh phah nan a chhuanlam siam hi a puitling zia lo a ni a ti a. Tun Village Council inthlanpui lo awm turah pawh hian vote thlak vek turin kalkhawm zawng zawngte chu a sawm nghal a ni.

National Voters' Day hi kum 2011 atang khan Election Commission of Indian din champha lawm nan kum tin neih thin a ni a. Kum naupang vote nei ho, young voters' kan tih ten vote an thlak ve nana infuihna hun atan he hun hi hman thin a ni. National Voters' Day, 2025 theme chu 'Nothing like Voting, I vote for sure' tih niin hemi ni lawmna pual hian social media lama #nvd2025 hman theih a ni bawk.

Bawrhsap chuan lawmman semna hun a nei nghal a. National Voters' Day puala Digital Poster Making Competition buatsaih chu lawmman semna neih a ni a.

Lawmman dawngtute chu:

Pakhatna : Lalrinpuii

Pahnihna : Rodingliana 

Pathumna : Mary Rosangpuii

Best BLO sem nghal bawk niin Pu Lalengmawia, Khawhri BLO chuan lawmman hi a dawng a. Hnahthial IV PS chhunga vote nei thar mi 19 te hnenah an EPIC hlan nghal bawk an ni.

National Voters' Day puala Voters' Pledge chhamna chu Addl DC, Pu Zothanmawia Khiangte chuan a kaihruai a. Pu R. Vanlalruata, AERO chuan lawmthu sawina in he hun hi a khar a ni. 

He hunah hian Hnahthial District chhunga Head of Office te leh Sawrkar hnathawk te chu kalkhawmin Republic day atana inbuatsaih nan function zawh hian hnatlang neih nghal a ni.